Kabineti francez ka miratuar projektligjin që synon të trajtojë Islamin radikal pas një serie sulmesh nga ekstremistët.
Projektligji është pjesë e një përpjekjeje afatgjatë e presidentit Emmanuel Macron për të mbështetur vlerat laike, për forcimin e rregullave për shkollimin në shtëpi dhe gjuhën e urrejtjes.
Disa kritikë, si në Francë dhe jashtë saj, e kanë akuzuar qeverinë se po e përdor projektligjin atë për të synuar fenë.
Por kryeministri Jean Castex e quan atë “një ligj mbrojtjeje” që do të çlironte myslimanët nga kontrolli i radikalëve.
Ai këmbënguli se teksti nuk ishte “kundër feve ose kundër fesë myslimane në veçanti”.
Çfarë parashikon projektligji?
Projektligji “duke mbështetur parimet republikane” do të forconte kufizimet në gjuhën e urrejtjes në internet dhe do të ndalonte përdorimin e internetit për të zbuluar me qëllim të keq detajet personale në lidhje me njerëzit e tjerë, shkruan BBC.
Kjo shihet si një përgjigje ndaj ngjarjes së rëndë të tetorit, kur iu pre koka mësuesit Samuel Paty. 47 vjeçari u vra nga një sulmues pasi u kishte treguar nxënësve karikaturat e Profetit Muhamed.
Hetimi ka zbuluar se në internet ishte zhvilluar një fushatë kundër tij.
Ligji gjithashtu ndalon shkollat ”klandestine” të cilat promovojnë ideologjinë islamike dhe shtrëngon rregullat për shkollimin në shtëpi.
Ky ligj gjithashtu do të përforconte ndalimin e poligamisë duke refuzuar qëndrimin për aplikantët poligamë. Mjekët mund të gjobiten ose të ndalohen për kryerjen e testeve të virgjërisë tek vajzat.
Ekzistojnë rregulla të reja mbi transparencën financiare për shoqatat myslimane dhe një kërkesë që ata të regjistrohen në vlerat republikane të Francës në këmbim të financimit.
Po ashtu ndalohen zyrtarët që veshin rroba fetare në punë dhe ky vendim do të zgjerohet edhe për punonjësit e transportit dhe stafin në pishina e në markete.
