Një 45-vjeçar që ishte duke punuar në një pallat në ndërtim ka ndërruar jetë pas kontaktit me rrymën elektrike.
Ngjarja ka ndodhur në rrugën ”Kongresi i Manastirit” në kryeqytet teksa bëhet me dije se 45-vjeçari Sh.H, ishte duke punuar në momentet kur ra në kontakt me rrymën.
Grupi hetimor ndodhet në vendngjarje për të sqaruar shkaqet e kësaj ngjarje me një viktimë nga elektriciteti.
“Me datë 19.12.2020, rreth orës 14:30, në rrugën “Kongresi i Manastirit”, dyshohet se duke punuar në një pallat në ndërtim, ka rënë në kontakt me rrymën elektrike shtetasi Sh.H., rreth moshës 45 vjeç, i cili për pasojë ka ndërruar jetë.Grupi hetimor dhe sherbimet e Policisë ndodhen në vendngjarje dhe vijon puna për sqarimin e rrethanave të ngjarjes.
Materialet iu dërguan Prokurorisë së Rrethit Gjyqësor Tiranë, për veprime të mëtejshme”-thuhet në njoftimin e policisë.
