Motoristët e ‘Harley Santa Club’ udhëtuan me motorët e tyre në kryeqytetin japonez Tokio për të rritur ndërgjegjësimin për abuzimin e fëmijëve dhe për të shpërndarë lodra për jetimët.
Këtë vit ngjarja zakonisht e madhe u zvogëlua në rreth 100 pjesëmarrës, shumë me maska, për shkak të pandemisë Covid-19. Parada u pasua nga një vrapim lodrash për të dhuruar lodra dhe karamele për fëmijët që jetonin në jetimore.
Klubi vuri në dukje se fëmijët janë bërë më të prekshëm ndaj dhunës në familje dhe abuzimit për shkak të bllokimeve.
“Veçanërisht për shkak të pandemisë së koronavirusit këtë vit, unë mendoj se ka shumë raste të abuzimit të fëmijëve që janë larg syve.” – i tha Reuters, Takaki Mine, shefi i grupit.
“Ka shumë të ngjarë që tani prindërit të heqin stresin tek fëmijët e tyre pasi humbin punën.” – shtoi ai.
Anëtarët e klubeve të motorëve në të gjithë botën mbajnë ngjarje vjetore kushtuar mbrojtjes së fëmijëve dhe ndihmës së të miturve në nevojë.
