Futbollisti legjendar i klubit të Skënderbeut Milutin Kërçiçi është duke luftuar me një sëmundje të rëndë dhe për trajtimin mjekësor të saj nevojiten një shumë e konsiderueshme parash.
Futbollisti i viteve ’70 i dashur për tifozët dhe ndjekësit e sportit i gjendur në vështirësi shëndetësore ka nevojë për kontributin e të gjithëve për të fituar betejën me sëmundjen.
Talenti i Kërçiçit spikati ndër futbollistët e brezit me të cilët qyteti i Korçës bëhej krenar në garat sportive.
Në sezonin 2010-2011, Kërçiçi ka qenë edhe pjesë e stafit teknik të Skënderbeut, si dhe ndihmësi i parë i ish-trajnerit Shpëtim Duro. Edhe me ardhjen e teknikut çek Stanislav Levi, Milutini vazhdoi punën pranë skuadrës si ndihmës trajner, por edhe si përkthyes për lojtarët sllavë që luajnë te kjo skuadër, duke kontribuar në ndërtimin e skuadrës së Skënderbeut që mori trofe të rëndësishëm.
Për të ndihmuar për Milutin Kërçiçi klikoni këtu
