Një ndeshje franceze në Ligue 1 midis Lorient dhe Rennes u shndërrua në tragjedi, pasi një burrë që punonte në stadium vdiq në një aksident të çuditshëm disa minuta pas fishkëllimës përfundimtare.
Aksidenti tronditës ndodhi 10 minuta pas ndeshjes kur punëtorët e stadiumit në Stade de Moustoir kishin filluar punën pas ndeshjes.
Një burrë, i cili u identifikua si punonjës i stadiumit, 38-vjeçar, fatkeqësisht humbi jetën pasi një pjesë e një strukture ndriçimi u shemb papritmas.
Struktura e rëndë, e cila përdoret për të ndihmuar në ndriçimin e stadiumit ra mbi të, duke bërë që ai të pësonte arrest kardiak.
Shërbimet e urgjencës të pranishme në stadium menjëherë nxituan për të ndihmuar, por për fat të keq përpjekjet e tyre për të shpëtuar jetën e tij ishin të kota.
