Japonia ka njoftuar se do të mbyllë kufijtë e saj për të gjithë të huajt, pasi zbuloi një lloj të ri të koronavirusit tek udhëtarët që mbërrinin nga Britania e Madhe. Kufizimet janë më të ashprat që janë vendosur në përgjigje të mutacionit.
Ishulli do të ndalojë të gjitha hyrjet e reja të shtetasve të huaj nga 28 dhjetori deri në fund të janarit, njoftoi qeveria të shtunën.
Vendimi u mor pas zbulimit të një varianti të ri të koronavirusit të pranishëm në shtetas të huaj që kishin udhëtuar nga Britania.
Shtetasit dhe të huajt japonezë që jetojnë në Japoni do të lejohen të kthehen në vend, ka raportuar e përditshmja financiare japoneze Nikkei, duke cituar deklaratën e qeverisë.
Të paktën pesë persona që udhëtuan nga Britania në Japoni janë konfirmuar si të infektuar me llojin e ri të virusit, me emrin teknik SARS-CoV-2 VOC 202012/01.
