Ish-gjyqtari Alaudin Malaj është liruar ditën e sotme dy ditë pasi u ndalua nga policia. 49-vjeçari u ndalua dy ditë më parë pas një përplasjeje më djalin e mitur pranë Liqenit Artificial.
Në seancën e sotme, gjykata vendosi detyrim paraqitjeje për Malajn. Ky i fundit është konfliktuar për pronësinë e një mjeti me djemtë e mitur ndërkohë që ata kishin një urdhër mbrojtjeje dhe ai e kishte të ndaluar t’u afrohej.
Sipas policisë, Malaj ka rastisur në një parkim me fëmijët e mitur dhe ka shkelur urdhrin e mbrojtjes për të mos iu afruar atyre, të cilët kishin urdhër mbrojtjeje pas divorcit të tij me bashkëshorten.
Në videot e shpërndara në rrjet u shfaq Malaj që u përfshi në një konflikt verbal me djemtë para se të shoqërohej në polici.
