Sonila Bejtja është thirrur sot në Presidencë për të bërë betimin dhe për të marrë zyrtarisht detyrën si anëtarja e shtatë e Gjykatës Kushtetuese.
Ceremonia e betimit pritet të bëhet mesditën e sotme.
“Presidenti i Republikës, në mbështetje të nenit 129 të Kushtetutës dhe nenit 8 të ligjit nr. 8577/2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, ka vendosur që:
Zonja Sonila Bejtja, anëtare e emëruar e Gjykatës Kushtetuese, të thirret për betim përpara Presidentit të Republikës, ditën e martë, në datë 29.12.2020, ora 12:30″, thuhet në njoftimin e Presidencës.
Sonila Bejtja u dekretua ditën e djeshme si anëtare e Gjykatës Kushtetuese, menjëherë pas marrjes së listës me kandidaturën.
Kështu Bejtja bëhet gjyqtarja e 7 në Gjykatën Kushtetuese.
