Rama: Sapo firmosa për t'i dhuruar 250 mijë euro Kroacisë pas tërmetit shkatërrues

Pas tërmetit që i mori jetën shtatë personave, qeveria shqiptare i ka dhuruar 250 mijë euro Kroacisë.

Lajmin e ka bërë të ditur vetë kryeministri Edi Rama përmes një postimi në “Twitter”.

“Sapo nënshkrova dekretin e Qeverisë së Shqipërisë për t’i dhuruar 250 mijë euro Kroacisë vëllazërore për të ndihmuar në rilindjen e Petrinja, pas tërmetit shkatërrues. Kroacia është një shembull i rezistencës dhe një model për ne në transformimin e saj të mahnitshëm në një vend krenar të BE-së”, shkruan Rama.

Just signed the Government of Albania decree to donate 250k EURO to brotherly Croatia to help the rebirth of Petrinja after the devastating #earthquake! #Croatia is an example of resilience and a role model for us in its amazing transformation in a proud EU country pic.twitter.com/P71enfTIVH
— Edi Rama (@ediramaal) December 30, 2020

Një tërmet prej 6.3 ballësh goditi Kroacinë paraditen e djeshme, duke i marrë jetën 7 personave e plagosur dhjetëra të tjerë, ndërsa ende vijon kërkimi për të mbijetuarit nën rrënoja.

Kroacia është një ndër vendet solidare me Shqipërinë pas tërmetit të 26 nëntorit të vitit 2019, duke dhuruar 1 milionë euro.