Kina ka dhënë miratimin për përdorimin e gjerë te qytetarët të vaksinës së parë të prodhuar në vend kundër Covid-19.
Siç shkruan FT, vaksina është krijuar nga ‘gjigandi’ i farmaceutikës kineze Sinopharm.
Miratimi u njoftua një ditë pasi Sinopharm tha se vaksina e saj kishte arritur një përqindje të efikasitetit prej 79 përqind në provat klinike të fazës së vonë.
“Përfitimet e njohura dhe të mundshme të vaksinës i tejkalojnë rreziqet e njohura dhe të mundshme. Ajo i ka përmbushur plotësisht kërkesat për shpërndarjen me kusht.”- tha Chen Shifei, nënkomisar i Administratës Kombëtare të Produkteve Mjekësore të Kinës.
Sinopharm i kreu shumicën e provave të fazës 3 të vaksinës jashtë vendit sepse Kina pretendon se e ka shtypur kryesisht koronavirusin në shtëpi.
