Presidenti Ilir Meta në një intervistë-rrëfim ka treguar se në momentet e para të pruralizmit politik ka dashur që të largohej nga Shqipëria.
Meta ka rrëfyer se kishte dëshirë të largohej nga vendi por që u step për shkak të pasojave që mund të kishin prindërit e tij në atë kohë.
Pjesë nga intervista:
Gazetari: Ndërkohë që edhe ju kishit një dyzim, kam përshtypjen, në korrik të vitit 1990 të largoheshit me ambasadat?
Presidenti Meta: Unë kisha shumë dëshirë që të largohesha. Është shumë e vërtetë.
Gazetari: Donit realisht të largoheshit?
Presidenti Meta: Po, realisht doja të largohesha, por mendoja gjithmonë pasojat për prindërit, për familjen, dhe kuptohet se ato do të ishin sipas…
Gazetari: U afruat deri te ambasadat?
Presidenti Meta: Jo. Por një shoku im shumë i ngushtë hyri në ambasadë dhe ky ishte një moment, që më tundoi për të bërë një veprim të tillë, por gjithmonë duke menduar pasojat për familjet. Ky ishte problemi kryesor.
