Kina ka dënuar me vdekje ish shefin e Financave të vendit Lai Xiaomin të akuzuar për ryshfet, një nga dënimet më të rënda që rrjedh nga përpjekja anti-korrupsion e Presidentit Xi Jinping.
“Bloomberg” shkruan se Lai Xiaomin, i cili ka qenë kryetar i kompanisë Huarong para se të vendosej nën hetim në vitin 2018, është shpallur fajtor për korrupsion si dhe bigami.
Ai akuzohet se ka marrë 1.79 miliardë juanë (ose 277 milion dollarë) ryshfet midis viteve 2008 dhe 2018 dhe të gjitha pasuritë e tij personale do të konfiskohen.
Gjykata e Tianjin tha se Lai Xiaomin kishte abuzuar me pozicionin e tij për të marrë ryshfete “jashtëzakonisht të mëdha” dhe rrethanat ishin “veçanërisht të rënda”, duke përfshirë marrjen e ryshfetit për t’u dhënë njerëzve punë, ngritje në detyrë ose kontrata.
Ai u gjet gjithashtu fajtor për bigaminë, për “jetesë si burrë dhe grua” me një grua tjetër dhe prindërit e fëmijëve dhe për përvetësimin e më shumë se 25 milion juan në fondet publike.
Dënimi me vdekje është i pazakontë për korrupsionin në Kinë, megjithëse dhe ish-nënkryetari i bashkisë në provincën Shanxi u dënua me vdekje në vitin 2018. Kjo masë nënvizon qëndrimin gjithnjë e më të ashpër të Partisë Komuniste në pushtet, ndaj korrupsionit midis kuadrove qeveritarë dhe drejtuesve të korporatave.
Në vitin 2016, Kina ngriti pragun e dënimit në lidhje me korrupsionin në 3 milion juanë nga 100,000 juanë, por dënimi është përdorur rrallë.
Mo Shaoping, një avokat me bazë në Pekin, tha se është e rrallë që rastet e ryshfetit të rezultojnë në dënimin me vdekje. Por në këtë rast “sasia e korrupsionit është veçanërisht e madhe, ndoshta më e madhja në vitet e fundit”, tha Mo.
“Çështja gjithashtu ka shkaktuar zemërim publik. Nën mjedisin aktual, një dënim me vdekje është padyshim duke dërguar një paralajmërim – dhe kryesisht e rëndësishmja – duke thyer besimin se korrupsioni nuk dënohet me vdekje.”- vazhdoi ai.
