Vendosni fjalën kyçe....

Përmbytjet në vend/ Ministria e Mbrojtjes: Kemi evakuuar 28 familje në Lezhë dhe 8 në Durrës


Ministria e Mbrojtjes ka reaguar lidhur me situatën e krijuar nga përmbytjet në vend, si pasojë e reshjeve të dendura që kanë vijuar pa ndërprerje përgjatë ditëve të fundit.

Ndërsa në jug dhe në rajonin qendror situata është drejt normalizimit, problemet paraqiten në veri dhe pjesën perëndimore të vendit.

Sipas njoftimit të ministrisë së drejtuar nga Niko Peleshi, në Lezhë janë evakuuar 28 familje. 2850 hektarë tokë në këtë qark ndodhen nën ujë.

Në Durrës janë evakuuar 8 familje, ndërkohë që 20 banesa janë përmbytur.

Ndërkohë në Shkodër nuk ka asnjë familje të evakuuar, por edhe këtu janë përmbytur 4080 hektarë tokë.

Forcat e Armatosura kanë ndihmuar me shpërndarjen e 900 pakove ushqimore në Lezhë, Kurbin dhe Mirditë, në Durrës, Krujë dhe Shijak.

TË DHËNAT E MINISTRISË SË MBROJTJES

Forcat e Armatosura angazhohen në terren për përballimin e përmbytjeve

Në jug të vendit dhe në rajonin qendror situata është drejt normalizimit, ndërkohë që ka një përmirësim të dukshëm edhe në Lezhë.

Qarku i Shkodrës është në monitorim të vazhdueshëm si nga strukturat vendore ashtu edhe nga ato qendrore.

Forcat e Armatosura po mundësojnë lëvizjen e banorëve me mjete lundruese dhe mjete të larta. Gjithashtu FA po transporton pakot ushqimore nga Rezervat e Shtetit, drejt zonave të prekura.

Të gjitha hidrovoret në qarqet Shkodër, Lezhë dhe Durrës funksionojnë me kapacitet të plotë.

Në Shkodër nuk ka asnjë familje të evakuuar, ndërkohë që janë përmbytur 4080 ha tokë.

Si pasojë e rrëshqitjeve të tokës 3 banesa janë bërë të pabanueshme në bashkinë Pukë.

Aksi rrugor rural Bogë-Qafë Thore është i bllokuar, i pakalueshëm, ka rreth 1m borë.

Rruga e fshatit Dardhë, bashkia Fushë Arrëz është shembur rreth 60-70 metra (që më dt. 31.12.2020) duke e bërë rrugën të pakalueshme.

Në qarkun Lezhë lumi Drin është ulur 70 cm nga kuota kritike, ndërkohë që janë evakuuar 28 familje. 2850 ha tokë në këtë qark është nën ujë.

Nga rrëshqitjet e tokës 6 banesa janë bërë të pabanueshme në Lezhë dhe 2 të tjera në Mirditë.

Rruga Gallat-Minjollë në Milot dhe rruga pranë lumit Drojë janë të bllokuara.

600 pako ushqimore janë shpërndarë në Lezhë, Kurbin dhe Mirditë.

Në qarkun Durrës janë evakuuar 8 familje, ndërkohë që 20 banesa janë përmbytur dhe ka prezencë uji.

Sipërfaqe nën unë janë 520 ha.

300 pako ushqimore janë shpërndarë në këtë qark në Durrës, Krujë dhe Shijak.

Ndërkaq, ministri i Mbrojtjes Niko Peleshi bashkë me shefin e Shtabit të Përgjithshëm të FA gjeneralmajor Bajram Begaj dhe drejtorin e Agjencisë Kombëtare të Emergjencave Civile ndodhen në zonat e prekura në Shkodër dhe Lezhë për të koordinuar nga afër situatën.


Leave a Reply

Your email address will not be published. Required fields are marked *