Zyrtarët e kufirit kanë konfiskuar sanduiçe dhe ushqime të tjera nga shoferët që mbërrijnë në Holandë nga Britania e Madhe pas Brexit, kanë zbuluar pamjet televizive.
Një klip televiziv holandez tregoi që një shoferi iu morën sanduiçët e tij me proshutë nga zyrtarët e kufirit ndërsa mbërriti – me një roje kufiri duke bërë shaka: “Mirësevini në Brexit, zotëri!”
Zyrtarët mund të dëgjoheshin duke shpjeguar rregullat e reja, pas Brexit për shoferët, të cilët ndalojnë njerëzit të sjellin ushqim që buron nga Britania e Madhe, në vendet e BE-së.
“Që nga Brexit ju nuk leohet më të sillni ushqime në BE, që e kanë burimin në Britaninë e Madhe.” – tha një zyrtar kufitar në portin detar Hook të Holandës, për televizionin NPO të Hollandës.
Një shofer që po dilte nga trageti i ardhur nga Britania e Madhe me sanduiçe me proshutë të mbështjellë, u dëgjua duke i lutur rojes kufitare: “A mund të merrni mishin dhe të më lini bukën?”
Zyrtari u përgjigj: “Jo, gjithçka do të konfiskohet – mirë se erdhët në Brexit, zotëri. Më vjen keq.”
