Dy inxhinierë të Kontrollit të Lartë të Shtetit kanë zbarkuar në rrugën e Borshit, që u ça keqazi pak ditë më parë.
Ata janë pjesë e ngritjes së grupit të punës nga KLSH-ja që po heton procedurat dhe punimet fizike në rrugën kombëtare Llogara-Borsh.
Rruga është rikonsruktuar një vit më parë dhe u përket Rajonit Jugor-Vlorë-Gjirokastër, me gjatësi 350 kilometra e vlerë 13.7 milionë euro.
Kompania që ka fituar tenderin për mirëmbajtjen saj është ‘Salillari’, që do jetë gjithashtu pjesë e kontrollit. Rruga u ça pak ditë më parë pas reshjeve të dendura të shiut duke çuar në bllokimin e qarkullimit.
Sipas Autoritetit Rrugor Shqiptar, për të shmangur njëherë e mirë rrëshqitjet e rrugës në këtë zonë ishte hartuar kohë më parë një projekt por që nuk është zbatuar për shkak të kostove të larta.
