Kreu i Partisë Demokratike, Lulzim Basha, në emisionin “Opinion” mbrëmjen e sotme deklaroi se zgjedhjet e 25 prillit nuk janë të zakonshme por një udhëkryq historik.
Kryedemokrati tha se ndryshimi nuk mund të vijë pa u larguar Rama.
“Më 25 prill nuk bëhet fjalë për zgjedhje të zakonshme, bëhet fjalë për një udhëkryq historik. Sfida e Partisë Demokratike është ta konturojmë ndryshimin që kërkojnë sot shqiptarët në unison, pa dallim nga përkatësia partiake.
Opozita është e bashkuar që në fillim të kësaj beteje për t’i hapur rrugë ndryshimit. Nuk mund të vijë ndryshimi pa u larguar Edi Rama”-deklaroi Basha.
