Kompania farmaceutike amerikan Pfizer ka konfirmuar se do të zvogëlojë përkohësisht dërgesat në Evropë të vaksinës së saj Covid-19, ndërsa përmirëson kapacitetin e prodhimit në 2 miliardë doza vaksine në vit.
“Kjo ulje e përkohshme do të prekë të gjitha vendet evropiane.” – tha një zëdhënëse e Pfizer Danimarkës në një deklaratë për Associated Press.
Ministria e Shëndetësisë e Gjermanisë thotë se Pfizer kishte informuar Komisionin Evropian, i cili është përgjegjës për porositjen e vaksinave nga kompania, se nuk do të jetë në gjendje të përmbushë të gjitha dërgesat e premtuara në tre-katër javët e ardhshme.
Ministria thotë se zyrtarët gjermanë e pritën me keqardhje lajmin pasi Pfizer ishte zotuar më herët se do i përmbushte detyrimet e saj.
Megjithatë gjashtë vende të BE-së i kanë kërkuar ‘llogari’ Komisionit Europian pasi lajmit. Suedia, Danimarka, Finlanda, Lituania, Letonia e Estonia thanë se kjo gjë është e papranueshme pasi prek e shtyn procesin e parashikuar të vaksinimit.
