Austria ka futur rregulla më të rrepta për distancimin shoqëror dhe mbajtjen e maskave, me një bllokim mbarëkombëtar të zgjatur deri më 7 shkurt. Sipas Kancelarit Kurz, normaliteti pritet të kthehet në vend në verë.
Rregullat e reja ‘nuk e bëjnë askënd të lumtur dhe nuk janë aspak popullore, megjithatë ato janë të nevojshme, edhe nëse të gjithë janë ngopur tashmë.’ – tha Kurz të dielën.
Duke filluar nga 25 janari, austriakët do të duhet të mbajnë maska të tipit FFP2 në supermarkete, farmaci, pika karburanti dhe në transportin publik. FFP2 ofrojnë mbrojtje më të mirë kundër infeksioneve të ajrit sesa maska më të lira, me një përdorim kirurgjik.
Maskat FFP2, të cilat shiten aktualisht në farmaci, do të jenë në dispozicion me një çmim ‘me të vërtetë të ulët’ në supermarkete, sipas ministrit të Shëndetësisë, Rudolf Anschober.
Njerëzit gjithashtu do të duhet të qëndrojnë dy metra larg njëri-tjetrit, në vend të një metri që ka qenë deri tani.
Kurz tha se vendimi për të sjellë rregulla më të rrepta u mor teksa në skenë ka dalë varianti më ngjitës i koronavirusit që u zbulua në Britani në fund të vitit të kaluar.
