Qeveria zvicerane u bën thirrje votuesve të refuzojnë ndalimin mbarëkombëtar të burkave në referendumin e marsit
Këshilli Federal Zviceran u ka kërkuar qytetarëve të refuzojnë një veprim për të ndaluar burkën në të gjithë Zvicrën.
Ai sugjeroi që kufizimet rajonale të veshjes do të ishin më të përshtatshme dhe se një lëvizje mbarëkombëtare mund të ndikojë në turizëm.
Në një deklaratë të lëshuar të martën, qeveria federale e Zvicrës paralajmëroi njerëzit për ndikimin që mund të ketë një ndalim i burkës në shkallë të gjerë, veçanërisht lidhur me turizmin nga vendet e pasura të Gjirit.
“Një ndalim në të gjithë vendin do të minonte sovranitetin e kantoneve e do të dëmtonte turizmin.” – lexon deklarata.
“Këshilli Federal e konsideron nismën të panevojshme, pasi ka shumë pak gra në Zvicër që mbulojnë fytyrën plotësisht. Shumica e grave që e bëjnë këtë janë turiste dhe këto kalojnë vetëm një kohë të shkurtër në vend.” – vijoi deklarata.
Populli zviceran do të votojë në një referendum mbarëkombëtar për ndalimin e mbulesave të plota të fytyrës në 7 Mars.
