Shefi i Mossad, Yossi Cohen mund të bëhet zyrtari i parë i lartë izraelit që takohet me Presidentin e SHBA-së, Joe Biden, mes shqetësimeve se administrata e tij do të ringjallë paktin bërthamor ndërkombëtar të epokës Obama me Iranin.
Kreu i shërbimit sekret izraelit dhe një nga aleatët më të besuar të kryeministrit Benjamin Netanyahu, Yossi Cohen, do shkojë në Uashington muajin tjetër për të informuar administratën e Biden mbi një sërë kushtesh në lidhje me çdo marrëveshje të mundshme bërthamore me Teheranin, raportoi Kanali 12 të shtunën, duke cituar ‘komunikimet’ midis Izraelit dhe administratës së re të SHBA.
Cohen pritet gjithashtu të takohet me shefin e CIA-s dhe të paraqesë edhe një herë një vlerësim të inteligjencës të programit bërthamor të Iranit, i cili sipas Izraelit synon fshehurazi në marrjen e bërthamave.
Ekipi i Cohen thuhet se do të kërkojë një ‘rishikim rrënjësor’ të marrëveshjes, me angazhime shumë më të rrepta nga Teherani, duke përfshirë një ndalim të plotë të pasurimit të uraniumit dhe prodhimin e centrifugave të përparuara.
Për më tepër, Izraeli dëshiron që Irani të ndalojë ‘mbështetjen e grupeve terroriste’ dhe ‘t’i japë fund pranisë së tij ushtarake në Irak, Siri dhe Jemen’.
