Senati amerikan ka konfirmuar Janet Yellen si Sekretare e parë femër të Thesarit. Ajo bëhet gruaja e parë që mban këtë pozicion në historinë amerikane pasi u zgjodh nga presidenti Joe Biden nëntorin e kaluar.
Yellen, një Demokrate, u konfirmua nga Senati në një votim 84-15, me të 15 votat ‘jo’ që erdhën nga Republikanët.
“Mbështetja bipartizane për nominimet e shumta të Znj. Yellen pasqyron përvojën e saj befasuese dhe sa e përshtatshme është ajo për të menaxhuar sfidat ekonomike të kohës sonë”, tha udhëheqësi i shumicës së Senatit, Chuck Schumer, (D-NY) përpara konfirmimit të Yellen të hënën.
Drejtuesi i minorancës së Senatit Mitch McConnell (R-KY) tha para konfirmimit të Yellen se ai beson se Yellen do e përmbushë më së miri misionin e saj
“Unë pres që të mos kemi mungesë të diskutimeve të politikave me Dr. Yellen në muajt në vazhdim, veçanërisht nëse disa demokratë vazhdojnë të përpiqen të përdorin këtë emergjencë historike si një pretekst për të shtyrë përpara ndryshimet e përhershme të politikës së ekstremit të majtë”, tha McConnell.
