Juventusi është skuadra e radhës që ka prerë biletën për në gjysmëfinale të Kupës së Italisë.
Të besuarit e Andrea Pirlos triumfuan 4-0 në shtëpi, për të cilën ndeshje nuk ishte ftuar Cristiano Ronaldo.
Pas 16 minutave lojë, “Zonja e Vjetër” e gjeti golin e epërsisë me anë të Alvaro Moratas, që shënoi nga pika e bardhë për 1-0, penallti e fituar nga Adrien Rabiot.
Etrit Berisha, portieri i Kombëtares shqiptare, pas disa minutave pranoi një tjetër gol.
Për 2-0 shënoi talenti 21-vjeçar, mbrojtësi i majtë, Gianluca Frabotta, në minutën e 33-të.
Nuk mungoi as Dejan Kulusevski, që bëri një paraqitje shumë pozitive.
Ai shënoi për 3-0 në minutën e 78’, para se Chiesa të realizojë për 4-0 në atë të 94′.
