Gjashtë persona kanë humbur jetën dhe dhjetë të tjerë janë lënduar nga një rrjedhje kimike në një uzinë në Atlanta të SHBA-ve.
Sipas mediave vendase atje, një rrjedhje e azotit të lëngshëm ndodhi në mëngjes në një uzinë për përpunimin e ushqimit në veri të Atlantas në Xhorxhia.
Pas rrjedhjes, të paktën 130 persona në objekt janë evakuuar.
Sipas të dhënave të para, gjashtë persona kanë humbur jetën, kurse dhjetë të tjerë janë lënduar.
Autoritetet njoftuan se të lënduarit janë shtruar në spital, ndërkohë që tre persona janë në gjendje të rëndë.
Hetimi në lidhje me incidentin është duke vazhduar.
