Mbyllet seanca e kësaj jave në Kuvend. Në përfundim të saj, deputetët votuan për miratimin e ndryshimeve në buxhetin e vitit 2020, shtyrjen e afatit të vlefshmërisë së kolaudimit të makinave si dhe zgjatjen e efekteve të Operacionit Forca e Ligjit.
Po kështu u refuzuan edhe emrat e rinj në Këshillin Drejtues të Radio Televizionit Shqiptar. Emrat që u votuan kundër janë ish-ministri i PD-së, Besnik Mustafaj, Edmond Tullumani dhe Helidon Haliti.
Kolaudimi i makinave është shtyrë për tre muaj. Po kështu deputetë votuan edhe për nisjen e shpronësimit të pronarëve të tokës ku do ndërtohet spitali në Fier.
