Kanë dalë fotot e projektit të spitalit që do ndërtohen me “yqmin” e Presidenit Rexhep Taip Erdogan në Fier.
Tetë vjet më parë qeveria Rama i pagoi “Atelier4” 550 milionë lekë të vjetra për projektin e një spitali me 400 shtretër por dështoi ta ngrinte (Lexo më shumë te Gogo.al).
Siç shihet nga fotot nuk do të përdoret i njëjti projekt nga turqit e YDA Group, të cilët do të ndërtojnë një spital vetëm me 150 shtretër.
A do t’i kthejë “Atelier4” 550 milionë lekët?!
Fotot e projektit turk janë publikuar nga Top Channel dhe në të shihet se do jetë një spital me një dhe dy katë ku sipërfaqja e godinës do jetë 13 mijë m2.
Emri i tij do jetë Memorial dhe pretendohet të ndërtohet nga kompania YDA për tre muaj.
Marrëveshja për ndërtimin e tij u sigurua në vizitën zyrtare të Ramës në 6-7 janar në Turqi ku koha e ndërtimit të spitalit u konsiderua si bast mes dy drejtuesve të qeverive./Hashtag.al
