Kompania “Apple” raportoi fitimin e tremujorit të parë që tejkaloi vlerësimet e Wall Street, pasi të ardhurat e krijuesit të iPhone tejkaluan 100 miliardë dollarë të nxitura nga kërkesa e fortë për iPhone-et më të fundit.
Fitimet e tremujorit të parë të “Apple” u rritën në 28.76 miliardë dollarë ose 1.68 dollarë për aksion nga 22.24 miliardë dollarë ose 1.25 për aksion vitin e kaluar.
Mesatarisht, 30 analistë të anketuar nga “Thomson Reuters” prisnin fitime prej 1.41 dollarë për aksion për tremujorin.
Të ardhurat e “Apple” u rritën me 21% në 111.44 miliardë dollarë nga 91.82 miliardë dollarë të vitit të kaluar. Analistët kishin një parashikim të të ardhurave me konsensus prej 103.28 miliardë dollarësh.
Të ardhurat e “Apple” nga iPhone u rritën në 65.60 miliardë nga 55.96 miliardë vitin e kaluar. Shitjet e Mac u rritën në 8.66 miliardë nga 7.16 miliardë vitin e kaluar dhe shitjet e iPad u rritën në 8.44 miliardë nga 5.98 miliardë vitin e kaluar.
“Performanca jonë e biznesit për tremujorin e dhjetorit u ushqye nga rritja dyshifrore në secilën kategori të produkteve, duke çuar në të ardhura rekord në secilin nga segmentet tona gjeografike dhe një të lartë të të gjitha kohërave për bazën tonë të instaluar të pajisjeve aktive”, deklaroi Luca Maestri, CEO i komanisë ”Apple”.
