Sipas prokurorisë, disa sanitare e infermiere në spitalin ‘Shefqet Ndroqi’ në Tiranë, i njohur së fundmi si spitali Covid 2, kanë krijuar një skemë shfrytëzimi ndaj familjarëve të personave të shtruar aty.
Në njoftimin e organit të akuzës, pasi përshkruhet rasti i sanitares Tire Alldervishi, e denoncuar nga familjarja e një pacienteje që ndërroi jetë, thuhet se janë kryer hetime të thella për zbardhjen e ngjarjes.
Prokuroria shton se janë ndaluar një sanitare tjetër dhe tre infermiere, përveç Tire Alldervishit dhe se hetimet po vijojnë për zbardhjen deri në fund të skemës abuzive.
(Video Credit: FAX Web)
Njoftimi
Prokuroria pranë gjykatës së shkallës së parë Tiranë ka regjistruar P.p.nr.281 datë 13.01.2021 në ngarkim të shtetases Tire Alldervishi për kryerjen e veprës penale të ‘Mashtrimit’ të parashikuar nga nenet 143/2 te Kodit Penal
Shtetasja Eltjana Sinanaj, e cila ka bërë kallzim penal ndaj shtetases Tire Alldervishi e datëlindjes 15.03.1962 pasi sipas saj, i ka marrë disa shuma parash të konsiderueshme për ti shërbyer mamasë së kallëzueses e cila ishte e shtruar në spital me Covid 19, duke ju prezantuar si infermiere ndërkohë që ishte sanitare e spitalit. Gjithashtu në emisionin ‘Stop’ të datës 12.01.2021 janë transmetuar pamjet për ngjarjen e ndodhur.
Në datën 28.11.2020 mamaja e kallëzueses është shtruar tek spitali universitar ‘Shefqet Ndroqi’ pasi ka rezultuar pozitive me COVID 19 dhe ka ndërruar jete po ne kete spital me date 25.12.2020. Në derë i është paraqitur një shtetase e veshur si infermiere dhe i ka thënë që është infermiere në spitalin ‘Shefqet Ndroqi’. Kjo shtetase ishte Tire Alldervishi dhe qe më vonë ka marrë vesh se punonte si sanitare në këtë spital.
Që në momentin e parë i ka kërkuar një shumë lekësh prej 2000 lekësh që ti jepja telefonin mamit, duke i thënë që po e bënte për atë edhe pse nuk e kishte parë asnjëherë më përpara. Më pas i thotë që ta presë në lokal. Kur vjen në lokal i ka thënë, meqenëse infermierët e tjerë nuk lejohen të vijnë në lokal, e ka marrë ajo përsipër duke i kërkuar shumën e lekëve e cila ishte 10 000 për doktoreshën dhe 5000 për infermierët dhe sanitarët që i hiqnin pampersin.
Kjo shumë vazhdonte çdo ditë dhe kanë qenë ditë të pakta që kallëzuesja ka dhënë vetëm 3000 lekë për infermierët dhe 5000 për doktoreshën dhe përpos tyre i jepte listën e ilaçeve që duhet të merrte nga jashtë.
Kallëzuesja nuk e dinte a po ja jepnin ilaçet apo jo sepse mami i saj i kishte thënë me mesazhe që nuk i japin asgjë nga ato që i sillnim ata.
Shuma e paguar ne total është rreth 800.000 leke te reja pa llogaritur ilaçet qe kallëzuesja sipas instruktimit te Tire Alldervishit i blinte neper farmaci te ndryshme per t’ia dhënë asaj me qellim qe te behej mjekimi i mamasë se saj.
Komunikimet ndërmjet Tire Alldervishi dhe kallëzueses janë bere si verbalisht ashtu edhe nëpërmjet rrjetit te komunikimit Ëhat’s Up.
Është ndaluar shtetasja Tire Alldervishi dhe ndaj saj është depozituar kërkesa e Prokurorisë për vleftësimin e ndalimit dhe caktimin e masës se sigurisë ‘arrest ne burg’
Prokuroria pranë gjykatës se shkalles se pare Tirane vijoi te kryeje një hetim te plote dhe te thelluar për te qartësuar nëse ndodheshim para një rasti sporadik apo para një skeme te mirëfillte përfitimi nga personeli mjekësor apo ndihmës ne kurriz te te sëmurëve me sëmundjen COVID 19 duke mos hezituar te vere para pergjegjesise penale këdo qe do te rezultonte i implikuar.
Ne vijim te veprimtarisë hetimore u kryen sekuestrime, këqyrje, pyetje e personave etj dhe nga gjithë veprimtaria hetimore deri ne stadin aktual, shihet qarte qe persona me detyre infermiere apo sanitare ne Spitalin ‘ Shefqet Ndroqi’, kane krijuar një skeme te mirëfilltë me qëllimin e vetëm kriminal qe te përfitojnë sa me shume ne kurriz te pacienteve te sëmurë me sëmundjen Covid 19 dhe familjareve te tyre.
I përket veprimtarisë se mëtejshme hetimore zbulimi eventual i rasteve te tjera apo i personave te tjerë te cilët mund te jene te përfshire apo qe kane përfituar ne kurriz te ushtrimit ne mënyre te përkushtuar te detyrës.
Me Urdher te Prokurorit, nga Policia gjyqësore u krye ndalimi i shtetaseve:
Mira Bushi, e bija e Sifi dhe e Fanije, e datëlindjes 21.07.1969, lindur dhe banuese në Tiranë, me detyrë infermiere e spitalit universitar ‘Shefqet Ndroqi’, si person i dyshuar per kryerjen e vepres penale te ‘Shpërdorimit te detyrës’ dhe ‘Mashtrimit’ parashikuar nga neni 248 dhe 143/2 i K.Penal
Sheqerije Koci, e bija e Jonuz dhe e Hatixhe, e datëlindjes 26.10.1960, lindur në Librazhd dhe banuese në Tiranë, me detyrë infermiere e spitalit universitar ‘Shefqet Ndroqi’, si person i dyshuar per kryerjen e vepres penale te ‘Shpërdorimit te detyrës’ dhe ‘Mashtrimit’ parashikuar nga neni 248 dhe 143/2 i K.Penal
Sidorela Çela, e bija e Remzi dhe e Fitore, e datëlindjes 17.08.1993, lindur në Pogradec dhe banuese në Elbasan, me detyrë infermiere e spitalit universitar ‘Shefqet Ndroqi’, si person i dyshuar per kryerjen e vepres penale te ‘Shpërdorimit te detyrës’ dhe ‘Mashtrimit’ parashikuar nga neni 248 dhe 143/2 i K.Penal
Rukije Hoxhaj, e bija e Ramazan dhe e Zeqine, e datëlindjes 20.02.1964, lindur dhe banuese në Tiranë, me detyrë sanitare e spitalit universitar ‘Shefqet Ndroqi’, për veprën penale të ‘Mashtrimi’ parashikuar nga neni 143/2 i K.Penal.
