Ndahet nga jeta në moshën 78-vjeçare aktori i njohur dhe regjisori i njohur Andon Qesari.
Lajmi i hidhur është bërë publik nga i biri, Edon Qesari përmes një postimi në Facebook. Ai shkruan se regjisori vuante nga një sëmundje e gjatë dhe kohët e fundit gjendja e tij shëndetësore ishte rënduar shumë.
“Të dashur miq e të njohur,
Sot në mëngjes, pas një sëmundje të gjatë, e cila e kishte rënduar dhe sfilitur shumë në vitin e fundit, i dashuri babai im ANDON QESARI u nda nga jeta në moshën 78-vjeçare.”- shkruan ai.
Andon Qesari, ka lindur në Qeparo më 27 qershor të vitit 1942. Ai u diplomua për aktor në shkollën “Aleksandër Moisiu” në vitin 1966 dhe më pas u emërua aktor në Teatrin Profesionist të Vlorës.
Vite më vonë, në 1975 ai filloi punë në Teatrin Kombëtar në Tiranë.
