Foto ilustruese
Ambulanca e qytetit të Sarandës është përfshirë në një aksident në orët e para të mëngjesit të sotëm në aksin Tiranë-Durrës teksa po transportonte një pacient.
Nga aksidenti humbi jetë pacientja 71-vjeçare.
Ngjarja ka ndodhur sot në orën 03:45, në autostradën Durrës-Tiranë, ku shtetasi I. D., 51 vjeç, banues në Sarandë, duke drejtuar mjetin ambulancë, ka humbur kontrollin duke dalë nga rruga, e për pasojë ka humbur jetën shtetësja A. Sh., 71 vjeçe e cila ishte paciente në ambulancë.
Drejtuesi i ambulancës është shoqëruar në ambjentet e Policisë për veprime të mëtejshme.
