Studiuesit e Inteligjencës Artificiale (AI) në Australi kanë treguar se si është e mundur të stërvitet një sistem për të manipuluar sjelljen njerëzore dhe vendimmarrjen, duke nxjerrë në pah shpatën me dy tehe të teknologjisë moderne e lartë.
Artificial Intelligence tani përshkon shumicën dërrmuese të shoqërisë bashkëkohore njerëzore dhe qeveris shumë prej mënyrave të komunikimit, tregtisë, punës dhe jetesës. Ndihmon gjithashtu në fusha që variojnë nga objektiva kritikë si zhvillimi i vaksinave deri në sferën më të zakonshme të administrimit të zyrës e shumë fusha të tjera.
Ai gjithashtu qeveris se si njerëzit ndërveprojnë në mediat sociale në një numër mënyrash.
Një studim i ri nga studiuesit në Organizatën e Kërkimit Shkencor dhe Industrial të Komonuelthit (CSIRO) Data61, projektoi dhe testoi një metodë për të gjetur dhe shfrytëzuar dobësitë në vendimmarrjen njerëzore, duke përdorur një sistem ‘AI’.
Në tre eksperimente që vunë njeriun kundër kompjuterit, studiuesit treguan se si një robot mund të trajnohet për të identifikuar dobësitë në zakonet dhe sjelljet njerëzore dhe për t’i përdorur ato për të ndikuar në vendimmarrjen njerëzore.
Në përfundim u zbulua se roboti shkëlqeu në të gjitha skenarët, duke treguar se një i tillë mund të stërvitej me të vërtetë për të ndikuar në sjelljen njerëzore dhe proceset e vendimmarrjes, megjithëse në rrethana të kufizuara dhe mjaft abstrakte.
