Përleshje të ashpra kanë shpërthyer midis protestuesve në veri të Mianmarit dhe forcave të sigurisë. Pamjet që u shfaqën në internet tregojnë policinë duke hapur zjarr ndaj turmës. Është e paqartë nëse janë përdorur plumba të vërtetë apo gome.
Dhjetëra protestues u përballën me policinë e trazirave në një termocentral në qytetin Myitkyina në mesjavë. Qyteti është 1,480 kilometra nga kryeqyteti, Yangon në pjesën veriore të vendit dhe është përfshirë nga protestat që nga grushti i shtetit ushtarak i 1 shkurtit.
Kishte raporte se ushtria ishte vendosur në rajon për të shuar trazirat. Përplasjet në Myitkyina thuhet se pasuan pasi autoritetet kërkuan nga ndërmarrja që drejton uzinën të ndërpresë energjinë elektrike.
Videoja e supozuar e përballjes tregon demonstruesit që ikin në kaos mes një serie shpërthimesh të forta. Policia njoftohet gjithashtu se lëshoi gaz lotsjellës, bomba tymuese dhe përdori makina ujëhedhëse për të shpërndarë protestuesit.
