Më shumë se 200 mijë euro gjoba u janë vënë partive politike në Kosovë gjatë fushatës zgjedhore.
Vendimi është marrë nga Paneli Zgjedhor për Ankesa dhe Parashtresa në mbledhjen e sotme, ku janë shqyrtuar 10 ankesa lidhur me thyerjen e heshtjes zgjedhore dhe ditën e zgjedhjeve.
Ankesat janë paraqitur nga individë, subjekte politike, kandidatë për deputet, organizata, anëtarë të Komisioneve Komunale të Zgjedhjeve, shkruan Lajmi.
Subjekteve politike u janë dhënë gjoba si më poshtë vijon.
PDK-ja është ndëshkuar me 66,100 euro gjobë;
AAK-ja është ndëshkuar me 52,750 euro gjobë;
LVV-ja është ndëshkuar me 44,700 euro gjobë;
LDK-ja është ndëshkuar me 28,600 euro gjobë;
NISMA është ndëshkuar me 22,000 euro gjobë;
Lista Srpska është ndëshkuar me 2,200 euro gjobë.
