Të tjera detaje zbulohen lidhur me atentatin që ndodhi paraditen e sotme në Shkodër, ku u qëllua me armë zjarri drejt një automjeti.
Sipas televizionit “News 24”, shënjestër e këtij atentati ishte 30-vjeçari që ishte në timon të makinës, Tauland Pepaj.
Ky i fundit rezulton një person me precedent penal, pasi në vitin 2017 është arrestuar për veprën penale “Plagosje e rëndë me dashje”.
Asokohe 26-vjeç, Pepaj akuzohej se kishte plagosur pas një konflikti të çastit, një 22-vjeçar.
Për fatin e tij të mirë, Pepajn nuk e kapi asnjë plumb sot gjatë atentatit me armë, që ndodhi rreth orës 11:50 në lagjen Skënderbeg në Shkodër.
