Ambasadori i Italisë në Republikën Demokratike të Kongos, truproja i tij italian dhe një shofer kongolez u vranë të hënën në një sulm ndaj një autokolone të Kombeve të Bashkuara në lindje të vendit, njofton ministria e jashtme e Italisë dhe autoritetet lokale.
Autokolona u sulmua rreth orës 10:15 të mëngjesit me kohën lokale pranë qytetit Kanyamahoro, disa kilometra në veri të kryeqytetit rajonal Goma, i tha Reuters një zëdhënës i Parkut Kombëtar Virunga.
Vdekjea e ambasadorit, Luca Attanasio, 43 vjeç; Polici ushtarak italian Vittorio Lacovacci, 30 vjeç; dhe shoferi i tyre kongolez, emri i të cilit nuk është bërë i ditur, u konfirmuan nga qeveria italiane në një deklaratë.
Presidenti italian Sergio Mattarella dënoi “sulmin frikacak” dhe u shprehu”ngushëllimet e tij më të thella” familjeve të viktimave. “Republika Italiane është në zi për këta shërbëtorë të shtetit që humbën jetën,” tha Mattarella në një deklaratë.
Duke raportuar nga Roma, Seema Gupta për France24 tha se nuk ishte e qartë se kush ishte prapa sulmit. “Ka disa raporte që sugjerojnë se ishte një përpjekje rrëmbimi, por ne ende nuk i dimë detajet,” tha Gupta, duke shtuar se Ministri i Jashtëm Italian Luigi Di Maio i ka premtuar ministrisë së tij se “do të punojë për të arritur në fund të sulmit dhe zbulojë saktësisht se çfarë i shkaktoi vdekjet ”.
