Ministrat e jashtëm të BE të hënën ranë dakord të përgatisin sanksione ndaj katër zyrtarëve të lartë rusë në një përgjigje kryesisht simbolike ndaj burgut të kritikut të Kremlinit Alexei Navalny, sipas diplomatëve të BE.
Vendimi pasoi një takim të ministrave nga blloku i 27 vendeve në Bruksel që përfshiu një videokonferencë të gjerë me Sekretarin e ri të Shtetit të SHBA Antony Blinken.
Marrëveshja politike u arrit pasi Franca, Gjermania, Polonia dhe vendet Balltike i kërkuan bllokut t’i dërgojë një mesazh Presidentit Vladimir Putin se debati dhe protesta duhet të lejohen në Rusi.
Ministrat i kërkuan shefit të politikës së jashtme Josep Borrell të përfundojë listën e emrave të individëve që do të vihen në shënjestër, por asnjë oligark nuk do të përfshihet, tha një diplomat i lartë për AFP.
Kreu i Komitetit Investigues të Rusisë, i cili merret me hetime për krime të mëdha, drejtori i burgjeve, drejtori i Gardës Kombëtare të Rusisë si dhe prokurori i përgjithshëm ishin midis zyrtarëve që mund të shënjestrohen me ndalime udhëtimi dhe ngrirje të pasurive, tha një diplomat për Reuters .
Pavarësisht thirrjeve të ndihmësve më të afërt të Navalny për BE për të synuar anëtarët e elitës së biznesit të Rusisë pranë Putinit, qeveritë e BE kanë argumentuar në favor të shënjestrimit të zyrtarëve të lartë, sepse sanksione të tilla mund t’i rezistojnë më mirë sfidave ligjore.
Navalny u arrestua pasi u kthye në Rusi nga Gjermania muajin e kaluar dhe u burgos në 2 Shkurt për shkelje të kushteve të lirimit me kusht për atë që ai tha se ishte një dënim i motivuar politikisht.
Figura ruse e opozitës ishte duke u rikuperuar në Gjermani pasi ishte helmuar me një agjent nervor të shkallës ushtarake dhe ka akuzuar Kremlinin për përpjekjen për ta vrarë atë, një akuzë që Moska e mohon.
Rusia akuzon BE për ndërhyrje në punët e saj.
Vendimi i BE erdhi disa javë pasi Rusia dëboi diplomatët nga Gjermania, Polonia dhe Suedia gjatë një vizite nga Borrell në Moskë.
Rusia tha se diplomatët u dëbuan për pjesëmarrje në “demonstrata të paautorizuara” në mbështetje të Navalny. Por urdhri i dëbimit, gjatë një vizite nga diplomati i lartë i BE-së, zemëroi liderët evropianë dhe shkaktoi masa të drejta-për-tat në Gjermani, Poloni dhe Suedi.
