13 parti politike deri më tani kanë firmosur marrëveshjen për daljen në koalicion në zgjedhjet e 25 prillit. Por, kryetari i Partisë Demokristiane, Nard Ndoka, ka refuzuar të firmosë deri më tani marrëveshjen me Bashën.
Ndoka është i pakënaqur nga oferta e Partisë Demokratike, e cila nuk e ka vendosur emrin e tij në listën e sigurt në qarkun e Shkodrës, zbulon BalkanWeb.
Partitë kanë kohë deri më orën 00:00 për të dorëzuar koalicionet në KSHZ.
Në marrëveshjen e zbuluar ditën e sotme koalicionit me PD-në i është shtuar edhe partia Fryma e Re Demokratike e themeluar nga ish-Presidenti Bamir Topi.
