Ministri i Shëndetësisë i Izraelit, Yuli Edelstein, ka njoftuar se vendi tani ka vaksinuar 50 përqind të popullsisë së vendit prej 9.3 milionë banorësh me të paktën një dozë të vaksinës Covid-19.
Qeveria izraelite gjithashtu njoftoi se 35 përqind e popullatës i ka bërë të dyja dozat e vaksinës së Pfizer, duke lejuar zyrtarët të fillojnë rihapjen e disa pjesëve të ekonomisë për njerëzit që u është dhënë të paktën një dozë.
Shifrat e vaksinave ndjekin publikimin e një studimi të vaksinës Pfizer kundër Covid-19 në Izrael që thekson se rastet simptomatike midis individëve që kishin marrë të dyja dozat ranë me 94 përqind.
Sidoqoftë, ekziston ende një farë paqartësie rreth asaj se sa efektive janë vaksina e Pfizer dhe kompanive të tjera në mbrojtjen ndaj varianteve të reja të virusit, siç janë llojet e Afrikës së Jugut e Britanisë së Madhe.
