Qindra mijëra doza të vaksinës së AstraZeneca jndaj Covid-19 kanë mbetur stok ndërsa gjithnjë e më shumë gjermanë e kundërshtojnë atë nga frika se është “e klasit të dytë” krahasuar me atë të zhvilluar nga BioNTech dhe Pfizer.
Në fillim të vitit, shumë gjermanë ankoheshin për mungesën e vaksinave të koronavirusit që mund t’i çlironte nga bllokimet e mëdha dhe jeta e kufizuar shoqërore. Vetëm disa javë më vonë, shumë janë tani të mërzitur që nuk po marrin vaksinën që duan.
Ndërsa njerëzit në të gjithë botën po bëjnë zhurmë për vaksinimin dhe shumë vende kanë parë mungesa të mëdha, një preferencë për një vaksinë të zhvilluar nga kompania gjermane BioNTech me Pfizer, po shkakton një stok në Gjermani të vaksinës së zhvilluar nga AstraZeneca, një kompani britanike-suedeze, sipas zyrtarëve të shëndetit shtetëror.
Shumë njerëz – përfshirë punonjësit e shëndetit – janë duke kapërcyer takimet ose duke kundërshtuar të regjistrohen për vaksinën e AstraZeneca, për të cilën kanë frikë se është më pak efektive sesa ajo e Pfizer-BioNTech, thonë zyrtarët.
Si rezultat, dy javë pas shpërndarjes së parë të 1.45 milion dozave të vaksinës AstraZeneca të mbërritura në Gjermani, vetëm 270,986 janë përdorur, sipas të dhënave të mbledhura nga autoriteti i shëndetit publik, Instituti Robert Koch.
