Vendosni fjalën kyçe....

“Fat i keq po u kalove poshtë” – Protestuesit në Mianmar varin rrobat e grave në rrugë për t’u mbrojtur nga ushtarët


Protestuesit në Mianmar kanë lidhur rroba grash në tela nëpër rrugë, për të ngadalësuar policinë dhe ushtarët, sepse ecja poshtë tyre konsiderohet tradicionalisht fat i keq për burrat.

Rrobat e mbështjellura, varen njëlloj sikurse zonjat e shtëpive i varin ato pas larjes. Në disa raste protestuesit kanë përdorur edhe të brendshme grash.

“Arsyeja pse ne i varim rrobat nëpër rrugë është se ne kemi besimin tradicional se nëse kalojmë nën një teli me rroba, ne mund të humbasim fatin tone.”– tha një protestues 20-vjeçar i cili nuk pranoi të jepte emrin e tij nga frika, citon Reuters.

“Brezi i ri në ditët e sotme nuk e beson më, por ushtarët akoma e besojnë dhe është dobësia e tyre. Pra, mund të fitojmë më shumë kohë për të vrapuar nëse ata vijnë drejt nesh në rast emergjence.”– shprehen protestuesit.

Videot në mediat sociale kanë treguar policë që i heqin para rrobat e grave, që të mos kalojnë poshtë tyre. Tradicionalisht ecja poshtë sendeve të përdorura për të mbuluar pjesët intime të grave nuk është vetëm fat i keq, por edhe zhburrërues për meshkujt.

Për më shumë se një muaj, protestuesit kanë demonstruar në të gjithë Mianmarin kundër puçit ushtarak të 1 shkurtit dhe arrestimit të udhëheqëses së zgjedhur Aung San Suu Kyi. Më shumë se 50 protestues janë vrarë nga forcat e sigurisë.


Leave a Reply

Your email address will not be published. Required fields are marked *