Të enjten, ministri danez i Shëndetësisë Magnus Heunicke shkroi në Twitter se vendi do të pezullojë përdorimin e vaksinës anglo-suedeze, e cila tashmë është vënë nën vëzhgim intensiv në të gjithë Evropën dhe më gjerë.
“Autoritetet shëndetësore, për shkak të masave parandaluese, kanë pezulluar vaksinimin me AstraZeneca pas një sinjali të një efekti anësor të mundshëm serioz në formën e mpiksjeve fatale të gjakut. Tani për tani nuk është e mundur të arrihet në përfundimin nëse ekziston një lidhje. Çështja duhet të hetohet tërësisht .” – shkroi Heunicke në Twitter.
Ky lajm vjen pasi Agjencia Evropiane e Barnave (EMA) publikoi të mërkurën pikëpamjen e saj mbi një numër efektesh anësore të supozuara të lidhura me administrimin e vaksinës AstraZeneca në Austri.
Autoritetet austriake pezulluan përdorimin e një sasie vaksinash AstraZeneca Covid-19 pasi një person u diagnostikua me trombozë të shumëfishtë (formimi i mpiksjes së gjakut brenda enëve të gjakut) dhe vdiq 10 ditë pas vaksinimit. Një tjetër u shtrua në spital me një emboli pulmonare dhe kishte dy raporte të mëtejshme të incidenteve të tromboembolizmit.
EMA tha se nuk ka “asnjë tregues se vaksinimi i ka shkaktuar këto kushte”.
Estonia, Lituania, Luksemburgu, Letonia gjithashtu pezulluan përdorimin e vaksinës pas lajmeve nga Austria.
Vaksina e AstraZeneca është përdorur gjerësisht në të gjithë botën, duke përfshirë Mbretërinë e Bashkuar ku janë bërë më shumë se 24 milionë doza, shumica e të cilave janë zhvilluar nga firma farmaceutike anglo-suedeze.
