Këtë mëngjes kryetarja e Lëvizjes Socialiste për Integrim, Monika Kryemadhi, ndodhet në Dibër, ku ka prezantuar drejtuesin politik dhe kryesuesin e listës së LSI-së në këtë qark, Hajri Laçin.
Zonja Kryemadhi tha se në çdo qytet që viziton, duke përfshirë këtu Peshkopinë dhe rrethinat e Dibrës, po kërkohet ndryshimi.
Mes të tjerash, ajo falenderoi të rinjtë e angazhuar në zgjedhjet e 25 Prillit, duke e konsideruar një sfidë afrimin e tyre kur çdo ditë gjithnjë e më shumë të rinj po largohen nga vendi.
“Ne jemi në një vend specifik dhe të veçantë jemi në rrethin e Dibrës, qytetin e Peshkopisë, pranvera ka hyrë por dëbora i ka lënë gjurmët e saj në këtë vend kaq të bukur. Por kemi ardhur ë bëjmë prezantimin sot sepse je në krytë listës së LSI-së në Dibër.
Kur erdhëm mbrëmjet e vona të darkës, ndihej era e ndryshimit, ata e ndienin që gjërat nuk ishin ashtu siç duhet, edhe kur diskutuam për problematikat që ka rrethi i Dibrës, është e domosdoshme angazhimi i kësaj pjese intelektuale që po zvogëlohet në rrethin e Dibrës. Situata në Shqipëri me largimin e të rinjve, ka bërë që këta të fundit nuk duan të kthehen më. Cilësia e mësimdhënies ka rënë shumë, por edhe problemet ekonomike. Ne duam tua bëjmë sa më mirë, komode, jetesën. Në Tiranë na është shtuar inceneratori që na ndot ende më shumë. Ne kemi një program me 5 pika, që tregon dhe angazhimin tonë në 5 muajt e parë të qeverisjes.
Ne sot bashkë me Përparimin që ia lë stafetën e deputetit këtij ekipi të mrekullueshëm. Kemi një ditë intensive, por ka emocione brenda. Më kujton emocionet e fushatës së 2009 që ka një ritëm tjetër nga e sotshmja. Unë i uroj suksese doktorit, kanë ngelur ende mësues e inxhinierë në Dibër që kontribuojnë për qytetin. Faleminderit të rinjve, që është nder ti kesh. Të kesh të rinj që po largohen çdo ditë është sfidë e madhe, sepse ne do të rikthejmë disa aspekte të tjera në qarkun e Dibrës, Dibra është një pikë historike dhe turistike duhet ta zhvillojmë më shumë.”– tha zonja Kryemadhi gjatë fjalës së saj.
Pas saj e mori fjalën zoti Laçi, i cili e cilësoi si një sfidë drejtimin e ekipit, të cilën ai e quajti fitues. Ai u shpreh besimplotë se do të arrijnë të sigurojnë qoftë edhe një mandat deputeti në Dibër.
“Me thënë të drejtën kjo është një sfidë për mua dhe ekipin që drejtoj. Qytetarët dibranë, do të dinë ta vlerësojnë ashtu sikur dhe 2013 dhe 2017 që situata ishte më e egër, për këtë herë dibranët do të dinë të vlerësojnë këto kandidatura. Angazhimi jonë është, do të mbyllim mandatin, s’ka diskutim këtë pjesë. Vendi i mbuluar në 2017 i gjithi me drogë, edhe fëmijët tanë shyqyr që po i mbajmë në kujdes se po na marrin rrugë të gabuar. Me ndihmwn e strukturave, miqve shokëve, do të jemi forcë fituese me 25 prill”- u shpreh ai.
