Tubime u mbajtën në disa qytete të Gjermanisë kundër kufizimeve Covid-19. Më i madhi, me rreth 1000 njerëz të pranishëm sipas vlerësimeve të policisë, filloi në mesditë jashtë Ministrisë Federale të Shëndetit në Berlin
Gjatë tubimit nuk ndodhi asnjë incident i rëndë, tha policia.
Një protestë tjetër e madhe u mbajt në qytetin jugperëndimor të Shtutgartit, me qindra persona që marshuan nëpër rrugë për të kundërshtuar kufizimet. Përleshje të vogla midis policisë dhe protestuesve janë raportuar në qytetin lindor të Dresdenit.
Kufizimet e para anti-Covid nisën në Gjermani më 13 mars të vitit të kaluar, me shumicën e shteteve të vendit që urdhëruan mbylljen e shkollave dhe çerdheve. Kufizimet janë lehtësuar dhe riforcuar në mënyrë të përsëritur në të gjithë vendin që nga ajo kohë.
Muajin e kaluar, qeveria paraqiti një plan me pesë hapa që parashikon heqjen graduale të masave në varësi të shkallës së infeksionit Covid-19.
Tani për tani Gjermania mund të përballet me një rritje të re në prill krahasuar me shifrat e regjistruara përpara Krishtlindjeve vitin e kaluar, kanë paralajmëruar ekspertët e Institutit Robert Koch (RKI) për sëmundjet infektive.
