Rajoni verior i Piemontes në Itali tha të dielën se do të pezullonte përkohësisht vaksinën anti-Covid të AstraZeneca pasi një mësues nga qyteti Biella vdiq pas vaksinimit të tij të shtunën.
Vendimi, pas lëvizjeve të ngjashme në vende të tjera të Evropës, është parandalues dhe rajoni po pret rezultatet e hetimit të cilat do të verifikojnë grupin që u përdor për vaksinimin dhe nëse ekziston një lidhje mes saj vdekjes dhe vaksinimit, tha qeveria rajonale në një deklaratë në internet.
Autoriteti italian i mjekësisë AIFA ndaloi të enjten përdorimin e një stoku të vaksinës AstraZeneca. Burimet i thanë Reuters se vendimi ishte marrë pas vdekjes së dy burrave në Siçili.
AIFA tha se ndalimi ishte paraprak, duke shtuar se nuk është vendosur ende asnjë lidhje midis vaksinës dhe ‘ngjarjeve të rënda anësore’ të mëvonshme.
Autoritetet në Danimarkë, Norvegji dhe Islandë kanë pezulluar përdorimin e vaksinës për shkak dyshimit se shkakton mpiksje të gjakut.
