Vendosni fjalën kyçe....

Veliaj e përuroi pak muaj më parë, shkatërrohet rruga në Varosh


Këtu është bërë super investim dhe si rrugë fshati është një nga më të mirat. Kemi kanalizime dhe kanale me kullim.”

“Rruga në Varosh, edhe pse e inauguruar pak kohë më parë nga kryebashkiaku Erion Veliaj, ka filluar që të degradohet.”

Edhe pse në tetor të 2020, kryebashkiaku Veliaj e paraqiti asfaltimin e rrugës si një super investim, duke u shprehur se janë bërë edhe kanalizimet, situata në realitet është krejt ndryshe.

Ujërat e zeza dhe të bardha kanë filluar të dalin në rrugën kryesore, duke konfirmuar dëmin ekonomik me paratë e shpenzuara nga Bashkia e Tiranës, shkruan Ora News.

Shkak i kësaj situate duket se është vetë pushteti vendor. Veç vonesave të raportuara për rindërtimin e shtëpive të dëmtuara nga tërmeti, duket se bashkia ka nisur rindërtimin në disa shtëpi, por ndërhyrja ka dhënë efektet anësore.

Makineritë e rënda kanë amortizuar dhe shkatërruar rrugën dhe kanë vështirësuar kalimin e mjeteve.
Superinvestimi i kryetarit të bashkisë është lënë përgjysmë në këtë pjesë të lënë me çakull. Jashtë kamerave banorët akuzojnë se punimet kanë qenë të dobëta, duke sjellë edhe dëmtimin e rrugës.

 


Leave a Reply

Your email address will not be published. Required fields are marked *