Ish-ministri i Jashtëm në detyrë i Shqipërisë, Gent Cakaj, kërkon ndihmë për të atin e prekur nga Covid-19.
Ai ka bërë thirrje në Facebook ku thekson se kërkon plazmë të gjakut për grupin A pozitiv për të atin, Shkëlzen Cakaj.
Po kështu Cakaj shton se gjaku duhet të përmbajë mbi 50 antitrupa e personat që duan të ndihmojnë duhet të paraqiten sa më shpejt në Qendrën e Transfuzionit të Gjakut në QKUK, në emër të të atit Shkëlzen Cakaj ose të telefonojnë në numrin +38345101998.
Postimi i Cakajt
“Të nderuar miq,
I shtrenguar nga beteja me COVID-19, detyrohem të ju kërkojë ndihmë personale për të siguruar me urgjencë plazmë të gjakut për grupin A pozitiv, për babain tim, Shkelzen Cakaj. Gjaku duhet të përmban mbi 50 antitrupa! Ndihmuesit e mundshëm duhet të lajmërohen sa më parë në Qendrën e Transfuzionit të Gjakut në QKUK, në emër të babait tim, Shkelzen Cakaj. Po ashtu, të gjithë ata që kanë mundësi mund të na kontaktojnë drejtëpërdrejtë edhe në këtë numër telefoni: +38345101998! Ju falemnderoj përultësisht dhe Zoti ju bekoftë! Sinqerisht, Genti.”
