Me titullin kampion gjithnjë e më larg dhe pas eliminimit nga Liga e Kampionëve, Juventusi ka nisur të mendojë për përforcimet e sezonit që vjen.
Në shënjestrën e bardhezinjve vijon të jetë sulmuesi polak i Marsejës, Milik, i huazuar në Ligën 1 nga Napoli. Për shërbimet e tij, Juventusi është i gatshëm të paguajë shumën prej 12 milionë eurosh.
Tjetër lojtar që kërkohet me ngulm nga torinezët është gjermani Robin Gosens. 26-vjeçari luan tani për Atalantën në Serie A por ndryshe nga Milik, çmimi i tij është më i kripur.
Lojtari vlerësohet në rreth 40 milionë euro dhe nëse do vijë në Torino do ishte zëvendësi i duhur i brazilianit Alex Sandro që pritet të largohet në fund të këtij sezoni.
