Një festival rruge në Marsejë, që tërhoqi një grup të madh qytetarësh përfundoi me gaz lotsjellës dhe gjobitje pasi autoritetet lokale e shpallën festën të paligjshme dhe dërguan policinë për të pastruar zonën.
Një turmë e madhe njerëzish, shumica e tyre të rinj dhe pa maska, parakaluan nëpër qytetin port jugor ndërsa ata luanin muzikë dhe kërcenin. Sipas vlerësimeve të policisë, kremtimi tërhoqi deri në 6,500 pjesëmarrës.
Argëtuesit e veshur me kostume marshuan rreth një zjarri të madh në rrugë ndërsa këndonin këngë.
Ngjarja mbahet çdo vit por u anulua vitin e kaluar për shkak të shpërthimit të koronavirusit. Ndërsa Marseille nuk u prek nga bllokimet e reja të Francës në disa zona të vendit, pjesëmarrësit e karnavalit duket se treguan pak interes në respektimin e udhëzimeve për distancimin shoqëror.
Autoritetet lokale pretendojnë se atyre nuk u ishte dhënë njoftim paraprak se ngjarja do të mbahej dhe dërguan policinë për të shpërndarë pjesëmarrësit në festë.
