Epidemiologu i njohur, Ilir Alimehmeti, është zgjedhur anëtar i Komisionit të Përhershëm të Shëndetësisë të Akademisë së Shkencave të Shqipërisë.
Alimehmeti është specialist në epidemiologji dhe endokrinologji dhe pedagog në Fakultetin e Mjekësisë të Universitetit të Mjeksësisë.
Ai ka reaguar për këtë në një postim në rrjetet sociale ku shkruan se ky është një nder dhe privilegj i veçantë për të.
“Emërimi nga Akademia e Shkencave të Shqipërisë si anëtar i Komisionit të Përhershëm të Shëndetësisë është nder dhe privilegj i veçantë, të cilin e mirëprita me shumë kënaqësi dhe surprizë njëkohësisht.”– shkruan Alimehmeti.
Ai falenderon për emërimin në këtë post, kreun e Akademisë së Shkencave Skënder Gjinushin si dhe akademikun Neki Frashërin që e propozoi.
“Falënderim i veçantë shkon për Prof. Akad. (Kryetar i Akademisë së Shkencave) dhe Prof. Akad. (Kryetar i Seksionit të Shkencave Natyrore dhe Teknike), me të cilët do të jetë nder të punoj përbri.
Dashtë Zoti ofrohet si mundësi e shtuar për të ndihmuar sado pak situatën shëndetësore në Shqipëri me kontributin tim modest, pasi siç shprehet filozofi Henri Frederic Amiel:
Falënderimi është fillimi i mirënjohjes dhe mirënjohja është plotësimi i falënderimit. Falënderimi mund të përbëhet vetëm nga fjalë. Mirënjohja tregohet me veprime.”– shkruan Alimehmeti.
Vendimi i Akademisë së Shkencave të Shqipërisë:
“PËR NJË SHTESË NË PËRBËRJEN E ANËTARËVE TË KOMISIONIT TË PËHERSHËM TË SHËNDETËSISË
Kryesia e Akademisë së Shkencave në mbledhjen e saj të datës 16.3.2021, pasi mori në shqyrtim propozimin e paraqitur nga Seksioni i Shkencave Natyrore e Teknike dhe Komisioni i Mjekësisë nr. 194, datë 12.03.2021 (bashkëngjitur)
Vendosi
Të caktojë si anëtar të Komisionit të Përhershëm të Mjekësisë dr. Ilir Alimehmeti
Ky vendim hyn në fuqi menjëherë
Akademik Skënder GJINUSHI
Kryetar (vula)”
