Kryeministri Edi Rama ka shkuar për një inspektim në Porto Romano, atje ku po ndërtohet Ekoparku i Durrësit.
Një ditë pas çeljes së fushatës elektorale, Rama ka inspektuar kantierin e ndërtimit si dhe punët e bëra deri tani në këtë park.
Gjatë kësaj vizite, Rama tha se është pikërisht ky vendi që tregon qartë se pse PS-së i duhet mandati i tretë. Në të kundërtën sipas tij gjithçka rrezikon të shkojë dëm.
“Ky është vendi fiks që të shpjegohet se pse na duhet mandati i 3. Për të mbaruar punën që përndryshe nuk ka shans që të mbarojë pasi do të shkojë dëm. Me dekada të tëra këtu kishte mbeturina. Është koha që të çojmë Durrësin në një nivel tjetër, janë hedhur bazat.”– tha Rama.
