Facebook do të lejojë përdoruesit të kufizojnë ata që mund dhe nuk mund të komentojnë në postimet që ndajnë, në një përpjekje për të ‘kufizuar ndërveprimet potencialisht të padëshiruara’, tha rrjeti social.
Ndryshimi pason lëvizje të ngjashme nga Twitter dhe nënkupton që njerëzit që publikojnë përmbajtje të dukshme për të gjithë tani kanë mundësinë të lejojnë vetëm komente nga miqtë e tyre.
Përdoruesit madje do të jenë në gjendje të kufizojnë komentimin më tej sesa vetëm miqtë, në mënyrë që vetëm ata përdorues dhe faqet e etiketuara në postim të mund të komentojnë.
Ramya Sethuraman, menaxheri i News Feed i Facebook, tha se kjo do të ndihmonte veçanërisht figurat publike ‘të ndihen të sigurta dhe të përfshihen në biseda më kuptimplota’.
Ndryshimet në komentim vijnë ndërsa të gjitha firmat e mediave sociale vazhdojnë të përplasen me gjuhë urrejtjeje në platformat e tyre.
“Duke rregulluar audiencën tuaj të komentimit, ju mund të kontrolloni më tej sesi dëshironi të ftoni bisedë në postimet tuaja publike dhe të kufizoni ndërveprimet e mundshme të padëshiruara.” – shpjegoi Sethuraman.
